السياحه في مدريد

مدريد (اسبانى:‏ Madrid‏ نطق:‏ ‎[maˈðɾið]‎, و بالعامية فى اسبانيا ‎[mað̞ɾi]‎) هى العاصمه واكبر مدينه فى اسبانيا [1]. و تالت أكبر بلديه فى الاتحاد الأوروبى بعد لندن و برلين, و بلدية مدريد هى التالته من حيث عدد السكان بين المناطق الحضريه فى الاتحاد الأوروبى بعد بلدية باريس و منطقة لندن.[2][3][4][5]

مدريد كمان هى رابع أكبر مدينه من حيث عدد السياح فى أوروبا و الأكبر فى اسپانيا علشان استضافت يقارب من سبع ملايين سايح فى 2006 و هى مقر المنظمة العالميه للسياحه الدوليه اللى هى منظمة تابعة للأمم المتحدة. مدينة مدريد مبنيه على ضفاف نهر مانزاناريس (اسپانى: Río Manzanares) والمدينه و النهر هما الاتنين فى وسط بلدية مدريد (بتضم مدينة مدريد,و مجتمعاتها الحضريه والأحياء والقرى); مجتمع بلدية مدريد تحده الأقاليم المتمتعه بالحكم الذاتى كاستيا و ليون و كاستيا لا مانتشا.

علشان مدريد هى عاصمة اسبانيا,مدريد هى مقر الحكومة,و البرلمان الاسبانى, والوزارات, و المؤسسات و الوكالات, و كمان المقر الرسمى لملوك اسبانيا, مدريد هى كمان المركز السياسى لاسبانيا[6]. عمدة المدينة البرتو رويز جاياردون من حزب يمين الوسط حزب الشعب فى منصبه من 2003.

بسبب الناتج الاقتصادى, ومستوى المعيشة, و حجم السوق, مدريد بتعتبر مركز مالى كبير فى شبه الجزيرة الايبيرية, و فيها المقر الرئيسى بتاع معظم أكبر الشركات الاسبانية, مدريد مقر تلاتة من أكبر 100 شركة فى العالم (تليفونيكا, ريبسول - YPF, انديسا)[7].

مدريد بتمتلك بنية تحتيه حديثه, لكن حافظت على شكل و مظهر كتير من الاحياء والشوارع التاريخيه. معالم مدريد الضخمة بتشمل قصر مدريد الملكى; تياترو ريال مدريد (المسرح الملكى) 1850 دار الأوپرا; جنينة بوين ريتيرو,اللى اتأسست سنة 1631; و المكتبة الوطنية (اللى اتأسست سنة 1712) و فيها مجموعه من المحفوظات التاريخية فى اسبانيا.و تلات متاحف للفنون: متحف برادو, اللى فيه واحدة من أجمل المجموعات الفنية فى العالم, والمتحف الوطنى للتجارة (مركز الملكة صوفيا), و متحف الفن الحديث,مدريد, و متحف تايسن-بورنميسزا, اللى اتأسس فى قصر فيلاايرموزا بعد تجديده[8]

عدد سكان مدينة مدريد حوالى 3.3 مليون (ديسمبر 2009), عدد سكان المناطق الحضرية 5.1 مليون, مجموع سكان منطقة مدريد العاصمة (المنطقة الحضرية و الضواحى) 6.386.932. مساحة المدينة 698 كيلومتر مربع (234 ميل مربع).[9] مدريد موجوده فى وسط اسپانيا فى منطقة كاستيا التاريخيه و سلسلة جبال سييرا دى جواداراما موجوده فى شمال غرب المدينه, جبال سييرا دى جواداراما بيوصل ارتفاعها ل 2.429 متر فوق مستوى سطح البحر فى قمة بينيالارا. من الشرق وادى ايناريس, اللى بيمر فيه طرق برية و سكك حديد بتربط مدريد بساراجوسا وبرسلونه. و المدينة الأم لمدريد هى مدينة توليدو العاصمة القديمه لمملكة كاستيا, توليدو موجوده على بعد 50 كيلومتر تقريبا جنوب مدريد.


قصر الاتصالات, مدريدالمحتويات [تخبية]
1 أسامى المدينة و أصل اسم مدريد
2 التاريخ
2.1 ما قبل التاريخ
2.2 الرومان و الجوث
2.3 المسلمين
2.4 العصور الوسطى
2.5 عصر النهضة
2.6 القرن التسعتاشر
2.7 بعد استعادة الملكيه
2.8 الجمهورية التانية والحرب الأهلية
2.9 فرانكو
2.10 الديمقراطية
3 التضاريس والمناخ
4 إمدادات المايه
5 المناطق
6 المعمار
7 البيئة
8 الاقتصاد
9 السكان
10 الحكومه
11 التعليم
11.1 مستويات
11.2 الجامعات
12 النقل
12.1 النقل الجوى
12.2 السكة الحديد الوطنية
12.3 مترو
13 المناطق التجارية
14 الفنون والثقافة
14.1 الأحداث الثقافية
14.2 مدريد فى الأدب والموسيقى والأفلام
15 الرياضة
16 المدن التوأم
17 مصادر


أسامى المدينة و أصل اسم مدريد

ميدان بلازا دى ثيبيلس بالليلفيه نظريات كتيره عن أصل اسم "مدريد". حسب الأسطورة, اللى أسس مدريد هو اوكنو بييانور Ocno Bianor ابن الملك تيررينيوس Tyrrhenius من توسكانى, و مانتوفا و كان اسم المدينة ميتراجيرتا "Metragirta" أو "مانتوا", و فيه نظريه بتقول ان اسم المدينة الأصلى يورساريا "Ursaria" ("ارض الدببه" باللاتينى), لارتفاع عدد الدببه فى الغابات المجاورة, اللى مع شجرة التوت (مادرونيو "madroño" بالاسبانى), رمز للمدينة من القرون الوسطى. [10].

دلوقتى مقبول ان أصل اسم مدريد جاى من القرن التانى قبل الميلاد, و بنا الإمبراطورية الرومانية لمستوطنة على ضفاف نهر مانزاناريس اسم القرية الأولى كان ماتريس" Matrice" على اسم النهر. و بعد الغزوات من السويڤيس و الڤاندال الجرمان, و الالانس خلال القرن الخامس الميلادى, ماقدرتش الإمبراطورية الرومانية تدافع عن اراضيها فى شبه الجزيرة الايبيرية, وبالتالى سيطر عليها الجوث الغربيين.

فى القرن السابع سيطر العرب على شبه الجزيرة الايبيرية و اتغير الاسم لمچريط (اسپانى: Mayrit), من العربى مصطلح مجرى (اسپانى: Mayra) (" المجارى او منبع المياه") و الرومانى الأيبيرى ايط بمعنى " مكان ". اسم مدريد الحديث "مدريد" اتطور من المزاربى ماتريت Mozarabic "Matrit"‎.

التاريخ
المقاله الرئيسيه: تاريخ مدريد
ما قبل التاريخ
موقع مدريد استوطنه البشر كذا مره من أيام عصور ما قبل التاريخ [11], و فيه ادله على وجود مستوطنات بشرية على مدرجات النهر و الخنادق المائية و جدران مدريد الأخيرة ما قبل التاريخ[12] فى موقع مدريد دلوقتى.

الرومان و الجوث

شعار مدريد: فى بويرتا ديل سولالغزو والاستعمار الرومانى لشبه الجزيرة الايبيرية اخد حوالى 200 سنهمن الحرب البونية التانية لسنة 27 قبل الميلاد و بعد كده خلال فترة الحكم الرومانى قسم الرومان شمال الإقليم لتلات محافظات [13] و منطقة مدريد دلوقتى كانت فى محافظة تاراكونيس (Tarraconense).

و جايز إن إقليم مدريد فى فترة الحكم الرومانى كان مش أكتر من منطقة ريفية, بتستفيد من وجود الثروات الطبيعية وعبور الطرق, و فيه ادله بتبين ان كان فيه استيطان حضرى موجود فى منطقة سيجوفيا ستريت و ضفاف المانزاناريس. و تم اكتشاف كنيسه ڤيثجوثيك Visigothic قديمة قريبه من كنيسة سانتا ماريا دى لالمودينا. ادله وجود استقرار للسكان فى مدريد موجود من مقبرتين فى المستعمرة الڤيثجوثية اللى كانت موجوده.

المسلمين
أول سجل تاريخى عن وجود استقرار فى مدريد تاريخه من الفترة الإسلامية.[14] فى النص التانى من القرن التاسع, ما بين سنة 852 و سنة 886, لما أمر محمد الأول ببنا قصر صغير (ألكازار) فى نفس مكان بالاسيو ريال مدريد دلوقتى, علشان تبقى نقطة انطلاق لشن غارات ضد الممالك المسيحية فى الشمال.

فى الفتره دى يظهر إن كان فيه اختلاط بين اتنين من أسامى الأماكن متشابهه جدا: أوروبية, matrice, بمعنى 'مصدر', وغيرها من العربى, Majrà, بمعنى 'قناة' أو من النهر. و الاتنين بيشيرو لوفرة من الجداول والمياه الجوفية من الموقع.

اتولد فى مدريد فى القرن العاشر أبو القاسم مسلمة بن أحمد المچريطى اللى استحق يتقال عليه إنه "إقليديس الاندلسى", مؤسس علم الفلك والرياضيات فى مدرسة كوردوبا.[15]

العصور الوسطى
سيطرت القوى المسيحية بقيادة ملك كاستيا ألفونسو السادس على مملكة الطايفه فى توليدو فى سنة 1085 و سيطرت على مدريد من غير مقاومة, وجايز بالاستسلام.

خدت مدريد لقب مدينة سنة 1123, و فى فترة القرن الاتناشر استمرت هجمات المسلمين على مدريد, للحصول على صلاحيات جديدة فيها, المرابطين, اللى حرقو المدينة فى سنة 1109 والموحدين, اللى وصلو لموقع المدينة فى 1197. انتصار القوى المسيحية فى لاس ناڤاس دى تولوسا بالتأكيد منع المسلمين من التأثير على وسط شبه الجزيرة.

سنة 1329 اجتمع الكورتيس دى كاستييا أول جمعية وطنيه (برلمان) فى مدريد عشان تقديم المشورة لفرناندو الرابع. مع إنشاء البرلمان فى مدريد, ابتدت المدينة تنمو بصورة كبيرة بسبب البيروقراطية, وأعضاء الكورتيس, و كان وجود الحكومه و الكورتيس فى مدريد ضرورى للناس لتنظيم معيشتهم.اليهود والعرب المغاربة كانو لسه عايشين فى المدينة فى مناطقهم, اللى لسه معروفة لحد دلوقتى باسم موريريا "Moreria", لغاية طردهم منها فى أخر القرن الخمستاشر.

بعد متاعب كبيرة, انريكى التالت ملك كاستيا (1379-1406) بنا المدينة من تانى, و فرض نفسه فى أمان بره الجدران المتحصنة فى ايل باردو. الدخول الكبير لفرناندو و إيزابيل لمدريد بشر بنهاية الصراع بين كاستيا وأراجون.[10]

عصر النهضة
وحد الملوك الكاتوليك (الملكة إيزابيل ملكة كاستيا والملك فرناندو التانى ملك أراجون) مملكة كاستيا, و عاصمتها فى توليدو, و تاج أراجون, و عاصمته فى ساراجوسا, فى مملكة اسبانيا الحديثة.[10],و رغم إن حفيدهم كارلوس الأول (المعروف كمان باسم تشارلز الخامس, إمبراطور الرومانية المقدسة) كان بيفضل سيڤييا, كان اللى نقل الحكم لمدريد هو فيليبى التانى (1527-1598) ابن كارلوس الأول سنة 1561 علشان العاصمه تبقى بعيده عن الحدود. لكن فضلت سيڤييا مسيطرة على التجارة مع مستعمرات اسبانيا,و كانت مدريد مسيطرة على سيڤييا.[16]


مدريد سنة 1562
فضلت مدريد مركز لثروات اسبانيا بصرف النظر عن فتره قصيره, 1601-1606, لما فيليبى التالت نقل مقر الحكم لڤايادوليذ. و خلال القرن الدهبى (سيجولو دى أورو), فى القرن الستاشر و القرن السبعتاشر مدريد بقت شبه العواصم الأوروبية, سكان المدينة كانو بيعتمدو اقتصاديا على أعمال العاصمه نفسها, و ماكانش فيها نشاط صناعى او تجارى كبير.

هدم فيليبى الرابع سور المدينة سنة 1625, و اتجاوز السور القديم لأسباب ضريبية (ضريبة Portazgo) للحد من نمو المدينة لحد القرن التسعتاشر.

فيليبى الخامس قرر أن مدريد كواحده من العواصم الاوروبية مش ممكن تفضل فى الحاله دى و قرر يطورها و تم بنا قصور جديدة بما فيها قصر مدريد الملكى (بالاسيو ريال مدريد الاسباني) خلال فترة حكمه.

القرن التسعتاشر

مقر تيليفونيكا.تمرد شعب مدريد ضد القوات الفرنسية يوم 2 مايو 1808 ابتدى حرب الاستقلال الاسبانيه. و عمل الملك خوسيه بونابرتى (جوزيف بونابرت) اصلاحات فى العاصمة مع تكرار اوامره لهدم أديرة الراهبات علشان يعمل ميادين (ساحات) لدرجة انهم قالو عليه بيبى بتاع الميادين Pepe Plazuelas.

خلال القرن التسعتاشر, كان سكان مدريد فى ازدياد مستمر و كان فيه تغير جذرى فى نظام الملكية, بالإضافة لان اسعار المبانى كانت معقوله فكان سهل جمع الأموال لجمع الفن علشان المؤسسات الثقافيه زى متحف ديل برادو اللى أنشئ فى عهد فرناندو السابع علشان يبقى مبنى وزاره للعلوم والمكتبة الوطنيه. و كان سهل كمان اقامة الجامعة المركزية فى مدريد, و اللى احتفظت باسم كومبلوتنسا و اتنقل هيئة التدريس والطلبه من جامعة الكالا قرب العاصمة. و اتعمل نظام حديث لإمدادات الميه (قناة إيزابيل التانيه), و ابتدى السفر بالقطر من محطة اتوتشا و بقت مدريد مركز لشبكة الاتصالات اللاسلكية. فى أواخر القرن التسعتاشر, ماقدرتش إيزابيل التانيه ملكة اسبانيا تتحكم فى التوتر السياسى اللى كان بيوصل من تمرد للتانى و وصل للجمهورية الاسبانية الأولى. و بعد رجوع النظام الملكى لمدريد, جت الجمهوريه الاسبانيه التانيه, اللى سبقت الحرب الاهلية الاسبانية.[16]

بعد استعادة الملكيه
من أواخر القرن التسعتاشر اتغير شكل مدريد, فى أول 30 سنة من القرن العشرين, عدد السكان قرب من مليون شخص [17][18] الضواحى الجديدة ساعدت على كده. أرتورو سوريا عمل تخطيط لمدريد و لتكريمه, فيه الشارع الرئيسى فى حى سويداذ لينيال شارع اسمه شارع ارتورو سوريا. كمان اتفتح طريق جران ڤيا و اتفتح مترو انفاق مدريد سنة 1919.

الملك ألفونسو التلاتاشر منح حتة ارض, شمال غرب القصر الملكى علشان تأسيس مدينة الجامعة.

الجمهورية التانية والحرب الأهلية
الانتخابات البلدية اللى اتعملت يوم 12 أبريل 1931 شكلت انتصار كبير للجمهوريين فى مدريد, 69.2 فى المية من الاصوات (+88758 صوت) مقابل 33٬939 لاتحاد الملكيين [19] و انتخب بيدرو ريكو من الحزب الجمهورى الاتحادى عمدة لبلدية مدريد.

فوز الجمهوريين فى مدريد وغالبية العواصم الاقليمية كان معناه التحلل من العهد الملكى ومجيء الجمهورية الاسبانية التانية, و بعد كده اتولت لجنة من الجمهوريين السلطة فى 14 يونيو فى فترة ما بعد الظهر, وإعلان الجمهورية من مدريد.

مدريد كانت واحدة من أكتر مدن اسبانيا المتضررة بشدة من الحرب الأهلية (1936-1939). كانت المدينة معقل للجمهوريين فى الفترة من يوليو 1936. الضواحى الغربية كانت مسرح لمعركة شاملة فى نوفمبر 1936 و خلال الحرب الأهلية بقت مدريد أول مدينة تتقصف من الطيارات الحربيه على وجه التحديد اللى تستهدف المدنيين فى تاريخ الحروب. (بص على حصار مدريد (1936-39)). [16]

فرانكو
خلال ديكتاتورية فرانثيسكو فرانكو, وخصوصا خلال الستينيات, منطقة جنوب مدريد بقت صناعية جدا, وكان فيه هجرات جماعية من مناطق اسبانيا الريفية للمدينة. بقت منطقة جنوب شرق مدريد مكان لسكن الطبقة العاملة اللى كانت قاعدة للنشاط الثقافى والإصلاح السياسى.[16]

الديمقراطية
بعد وفاة فرانكو, قبلت الديمقراطية الناشئة (بما فيها جناح اليسار الجمهورى) الملك خوان كارلوس الأول ولى العهد للأسرة التاريخية خليفة لفرانكو علشان ضمان الاستقرار و الديمقراطية. وأدى ده للوضع الحالى لملكية دستورية و رأسمالية اقتصادية فى اسبانيا.

الاستفادة من زيادة الرخاء فى 1980-ات و 1990-ات, عزز موقف عاصمة اسبانيا الاقتصادى والثقافى والصناعى والتعليمى والتكنولوجى على مستوى القارة الأوروبية.

التضاريس والمناخ
متوسط ارتفاع مدريد عن سطح البحر 667 متر. مناخ منطقة مدريد معتدل مناخ البحر المتوسط مع برودة الشتاء, بسبب الارتفاع, بما فيها تساقط الثلوج ودرجات الحرارة عادة أقل من 0 درجة مئوية (32 °). الصيف يميل أنه يكون حر مع درجات حرارة تفوق 30 درجة مئوية (86 °) فى يوليو وكتير ممكن توصل ل 40 درجة مئوية (104 °). و لان مدريد على ارتفاع عالى المناخ جاف, درجات الحرارة بالليل بتكون باردة, مما أدى إلى انخفاض متوسط فى أشهر الصيف. مستويات الأمطار منخفضة, لكن هطول الأمطار ممكن طول السنة. الصيف والشتاء اكثر المواسم فى الجفاف, و معظم هطول الأمطار فى الخريف والربيع.[20]

سلسلة جبال سييرا دى جواداراما موجوده فى الشمال الغربى من المدينة, جبال سييرا دى جواداراما بيوصل ارتفاعها ل 2.429 متر فوق سطح الأرض فى قمة بينيالارا. من الشرق وادى ايناريس, اللى بيمر فيه طرق برية و سكه حديد تربط مدريد بساراجوسا وبرسلونه.العاصمة القديمة لمملكة كاستيا والمدينة الأم لمدريد مدينة توليدو على بعد 50 كم تقريبا جنوب مدريد.

إمدادات المايه

خريطة المجارى المائية فى مدينة مدريد وضواحيها.نهر مدريد الرئيسى نهر مانزاناريس طوله 92 كيلومتر بيمر بمنطقة مونتى دى ايل باردو و خزان بنفس الاسم. اضافة لنهر مانزاناريس, فيه أنهار صغيرة فى مدينة مدريد وضواحيها. مدريد بتستمد يقارب من 50 فى المية من إمدادات المايه من السدود والخزانات المبنيه على نهر لوزويا Lozoya, زى سد اتازار Atazar اللى اتبنى بين سنة 1968 و سنة 1972.

المناطق
مدريد من الناحية الإدارية, تنقسم ل 21 منطقة, مقسمة بدورها لاجنحة.ال 21 منطقة تنقسم ل 128 جناح (باريوس). تقسيم مدريد الادارى يرجع تاريخه ل 1988

المعمار
بويرتا دى اوروبا كواترو توريس,(فبراير 2008) محطة السكة الحديد اتوتشا شارع ألكالا -كايى دى ألكالا

معظم مناطق الجذب السياحى فى مدريد موجوده فى وسط البلد,, قلب مدريد هو ميدان بويرتا ديل سول, نقطة البداية لترقيم كل الطرق فى البلاد. [21] و ميدان بويرتا ديل سول بيطلع منه عشر شوارع منهم كايى الكالا من بويرتا ديل سول لشمال شرق المدينة. وقريب من بويرتا ديل سول فيه الميدان المشهور بلازا مايور (الميدان الكبير) اللى على اسمه و تصميمه اتبنى ميادين كتيره فى اسبانيا و فى البلاد اللى حكمهاالاسبان.


بلازا مايوررغم أن موقع مدريد استوطن مرات كتيره من عصور ما قبل التاريخ, أول البيانات التاريخية عن مدينة مدريد كان حوالى نص القرن التاسع, ما بين 852 و886 لما أمر محمد الأول ببناء قصر صغير (ألكازار) فى نفس مكان بالاسيو ريالمدريد دلوقتى. حوالين القصر بنى قلعة صغيرة على نهر مانزاناريس Manzanares, اللى سماه المسلمين ماچريط (اسپانى: Mayrit) معنى مصدر المياه,و بدورها بقت مجريط Magerit, و فى نهاية المطاف مدريد.

سيطر ألفونسو السادس على القلعة فى 1085 فى تقدمه لتوليدو. و حول المسجد لكنيسة العذراء دى لا المودينا (almudin,حامية أو صومعة), و دلوقتى كاتيدرال دى نويسترا سينيورا دى لا المودينا.

فى 1329 كان أول تجمع فى مدريد لتقديم المشورة لفرناندو الرابع. اليهود والعرب المغاربة كانو لسه عايشين فى المدينة فى مناطقهم التمانيه, اللى لسه معروفة لحد دلوقتى باسم موريريا "Moreria", لحد طردهم منها. قصر مدريد الملكى المبانى والآثار من باسيو ديل برادو (صالون دل برادو و شارع ألكالا) تستحق إشارة خاصة و مبنيه فى طراز الباروك الدولى الرصين فى عهد ملوك البوربون فيليبى الخامس و كارلوس التالت.


كاتيدرال دى لالموديناخطط بنا كاتدرائية جديدة لمدريد مكرسة لعذراء المودينا ابتدت فى القرن الستاشر, لكن البناء م بتداش إلا ف 1879., كان المهندس المعمارى فرانسيسكو دى كوبا, الماركيز كوبا اللى صمم الكاتدرائية فى إحياء للاسلوب الجرمانى. بنا الكاتدرائية اتوقف تماما خلال الحرب الاهلية الاسبانية. وتم التخلى عن المشروع لحد 1950, لما فرناندو تشيويكا جويتيا عدل خطط دى كوبا للكلاسيكية الجديدة من الخارج علشان تشابو واجهة البالاسيو ريال الرمادية والبيضا, اللى بيواجها مباشرة و ماكتملتش الكاتدرائية لحد 1993, لما كرسها البابا يوحنا بولس التانى.

الخطط الأصليه للمنطقة المالية الموجوده فى وسط البلد فى مدريد بين شوارع رايموندو فرنانديز, ڤاياڤيردى Villaverde, أورينس, الجنرال بيرون وباسيو دى لاكاستييانا اتوافق عليها فى 1946. والغرض من الخطة كان خلق كتلة ضخمة من مبانى المكاتب الحديثة مع وصلات السكك الحديدية و مترو الأنفاق و توسيع منطقة فى شمال مدريد, قدام ملعب ريال مدريد (ستاد سانتياجو برنابيو) وبجانب ده كان مخطط حديقة نباتية, ومكتبة و دار أوبرا لكن ده ما حصلش.

منطقة الأعمال كواترو توريس (اربع ابراج) المنطقة بتتضمن أطول ناطحات السحاب فى مدريد و اسبانيا (تورى اسباثيو, تورى دى كرستال, تورى ساكير ڤاييايرموسا و تورى كاخا مدريد). و خلص البنا سنة 2008

صالة المطار رقم 4 فى مطار مدريد (مطار باراخاس الدولى), من تصميم أنطونيو لاميلا و ريتشارد روجرز و TPS انچينيرز اتفتحت يوم 5 فبراير سنة 2006.و هى واحده من أكبر صالات المطارات فى العالم من حيث المساحه. مساحة صالة المطار رقم 4 760000 متر مربع (8180572 قدم مربع). باراخاس متصمم علشان يخدم 70 مليون راكب كل سنه.


أفق مدريد
البيئة

النباتات الاستوائية جوه محطة اتوتشامدريد فيها مساحات خضرا و حدايق كتيره, أكبر حديقة فى وسط مدريد هى باركى دل ريتييرو تمتد للشمال الشرقى من محطة السكة الحديد اتوتشا.

محطة السكة الحديد اتوتشا مش يس المحطة المركزية الأولى فى المدينة لكن فيها حديقة 4000 متر مربع من النباتات الاستوائية. محطة اتوتشا مكان جميل للزيارة فيها أكثر من 500 نوع من الحياة النباتية والبرك, و متاجر و قهاوى و درجة الحرارة من 24 درجة مئوية.

حدايق كاسا دى كامبو فى المناطق الريفية غرب المدينة أكبر من كل المناطق الخضراء فى مدريد. و فيها ارض المعارض, وحديقة الحيوانات فى الهواء الطلق, و فيه رحلة تلفريك فوق قمم الأشجار علشان التمتع بنظرة عامة لحدايق كاسا دى كامبو و للمدينة.

الحديقة النباتية الملكية أو ريال خاردين بوتانيكو اتفتحت فى القرن التمنتاشر فى عهد كارلوس التالت, كانت تستخدم كقاعدة لأنواع النباتات اللى اتجمعت من كل أنحاء العالم. و الحديقة النباتية الملكية فيها مركز مهم للبحوث كان لتطوير العلاجات العشبية ولإيواء الأنواع اللى اتجمعت من رحلات جديدة فى العالم و دلوقتى مكرس الحفاظ على النظام الإيكولوجى لأوروبا.

الاقتصاد
المقاله الرئيسيه: اقتصاد مدريد

منطقة الأعمال كواترو توريس (اربع ابراج) بتتضمن أطول ناطحات السحاب فى مدريد و اسبانياخلال نهاية العصور الوسطى, شافت مدريد نمو كبير نتيجة لكونها عاصمة الامبراطورية الاسبانية. و زى كتير من امبراطوريات بلاد أوروبا كانت الامبراطورية الاسبانية تابعه لسلطة الملك المركزية, و دا معناه ان مدريد اخدت قدر أكبر من الأهمية باعتبارها مركز لإدارة المملكة الأسبانية.

اتطورت مدريد علشان تبقى مركز مهم للحرفيين اصحاب الخبره و فى نهاية المطاف مركز مهم لنشاط الثورة الصناعية خلال القرن التسعتاشر. حققت مدريد خطوات أكبر فى التوسع خلال القرن العشرين, خصوصا بعد الحرب الأهلية الاسبانية, و الوصول لمستويات التصنيع فى العواصم الأوروبية التانيه.

اقتصاد المدينة اتركز على مختلف الصناعات التحويلية زى الصناعات المتعلقة العربيات, الطيارات, المواد الكيمياوية, و الأجهزة الإلكترونية, والمستحضرات الصيدلانية والأغذية المجهزة, والمواد المطبوعة, والسلع الجلدية.[22]


نظرة شاملة على مطار مدريد-باراخاس.مدريد دلوقتى مركز رئيسى للأعمال التجارية والتجارة الدولية و واحدة من أكبر المراكز المالية فى اوروبا وأكبر المراكز المالية فى اسبانيا.

وخلال الفترة من 1992 ل 2006, شافت مدريد نمو كبير جدا فى قطاع الخدمات أهمية مطار باراخاس لاقتصاد المدينة كبيرة. بناء المساكن والأشغال العامة زى شبكة القطرات و الطرق الدائريه, بيشكل دعامة رئيسية للاقتصاد لحد 2006.

لما بقت اسبانيا لا مركزية سياسية. اخدت مدريد صورة إدارية أصغر بالمقارنة مع بقية مناطق الدولة الإسبانية. و مع ذلك, منطقة مدريد (تركزت على مدينة مدريد) شافت أعلى معدل للنمو من كل المناطق الاسبانية بين 2004 ل 2006. معدل نمو منطقة مدريد كان أعلى من معدل نمو البلد ككل بحوالى 1.4 %خلال الفترة 2000-2006, و أعلى من معدل نمو منطقة اليورو بنسبة 13 %.

السكان

نصب تذكارى لألفونسو الاتناشر فى باركى دل ريتييروسكان مدريد بيتقال عليهم مدريليين (Madrileños) للراجل مدريلينيو (Madrileño) و للست مدريلينيا (Madrileña).

عدد سكان مدريد زاد عموما لما نقل فيليبى التانى (1527-1598) ابن كارلوس الأول فى 1561 فى نص القرن الستاشر مقر الحكم لمدريد و استقر عدد سكان مدريد عند حوالى 3 ملايين من 1970s.

من حوالى 1970 لنص 1990s انخفض عدد سكان المدينة,الظاهرة دى اثرت كمان على برسلونه وغيرها من المدن الأوروبية, كانت الظاهرة دى من جانب بسبب نمو الضواحى على حساب وسط المدينة. و من جانب ربما كانت بسبب التباطؤ فى معدل نمو الاقتصاد الأوروبى.

عدد سكان زاد بسرعه كبيره فى أواخر 1990s و 2000s فى وقت مبكر بسبب الهجرة الدولية, فى استجابة للارتفاع فى النمو الاقتصادى الأسبانى. يعنى مثلا, حسب بيانات التعداد, عدد سكان المدينة ارتفع 271856 بين 2001 و 2005.

مدينة مدريد كعاصمة اسبانيا, جذبت كتير من المهاجرين من جميع أنحاء العالم. و فى حين أن أكتر من 83.8 %من السكان اسبان, فيه كتير من المهاجرين الجداد اللى جايين من أمريكا اللاتينية, أوروبا, آسيا, و شمال افريقيا و غرب افريقيا بيمثلو 16.2 %اعتبارا من 2007..

الحكومه

عمدة مدريد دلوقتى البرتو رويز جاياردون خيمينيزلما بقت اسبانيا لا مركزية سياسية. اخدت مدريد صورة إدارية أصغر بالمقارنة مع بقية مناطق الدولة الإسبانية. مدريد بتعتبر من مناطق الحكم الذاتى. حكومة مدريد (مجلس المدينة) فيه 57 عضو واحد منهم عمدة مدريد اللى هو دلوقتى البرتو رويز جاياردون خيمينيز.

فى انتخابات سنة 2007 الإقليمية و المحلية, فى انتخابات مجلس مدينة مدريد كسب الحزب الشعبى 34 كرسى, و حزب العمال الاشتراكى (الحزب الاشتراكى الاسبانى) 18 كرسى و اليسار الموحد 5 كراسى.

التعليم
بص على التعليم فى اسپانيا

التعليم فى مدارس الدولة فى اسبانيا مجانى و اجبارى فى الفترة من 6 ل 16 سنة حسب قوانين اسبانيا. [23]

مستويات
من 3 ل 6 سنين --ايديوكاثيون اينفانتيل Educación Infantil (إعداد للمدرسة الابتدائية)
فى الفترة من 6 ل 12 سنة -- التعليم الابتدائى (المدرسة الابتدائية) سنين, 1 °, ° 2, 3 °, ° 4, 5 و 6 ° °
فى الفترة من 12 ل 16 سنه --ايديوكاثيون سييكونداريا اوبليجاتوريا Educación Secundaria Obligatoria (التعليم الثانوى الاجبارى) سنين, ° 1, 2 °, ° 3, 4 °
فى الفترة من 16 ل 17 سنة -- البكالوريا (فى مرحلة ما بعد التعليم الاجبارى), وخلال السنين ° 1, 2 °
الأطفال من سن 3 لـ 5 فى اسپانيا عندهم اختيار لحضور ايديوكاثيون اينفانتيل infantil (المعروفة prescolar) أو حضور مرحلة قبل المدرسة, و ده مش إجبارى لكن مجانى لكل الطلاب. ايديوكاثيون اينفانتيل يعتبر جزء اساسى من النظام التعليمى و فيه فصول اينفانتيل فى كل مدرسة ابتدائية تقريبا و فيه كمان بعض مدارس ايديوكاثيون اينفانتيل (مدارس حضانة) منفصلة.

الطلبه الاسبان اللى أعمارهم بين 6 ل 16 سنة لازم يحضرو التعليم الابتدائى والمدارس الثانوية (المعهد), و ده اجبارى و مجانى. الطلبة اللى خللصو بنجاح ايديوكاثيون سييكونداريا اوبليجاتوريا (التعليم الثانوى الاجبارى) بياخدو شهادة التعليم الثانوى, و ده ضرورى لدخول تعليم البكالوريا(اختياري) للجامعة أو الدراسات المهنية.بعد نجاح طلاب البكالوريا, فيه امتحانات دخول الجامعة اللى تختلف كتير من منطقة للتانيه.

الجامعات

يونيڤيرسيداذ كومبلوتنسا دى مدريدمدريد فيها عدد كبير من الجامعات العامة والخاصة. بعضها من بين اقدم الجامعات فى العالم.

جامعة مدريد المستقلة هى واحدة من أرقى الجامعات فى اسپانيا. و رقم واحد فى المركز العام للجامعات فى اسبانيا, وابتدت تحت قيادة عالم الفيزيا المشهور, نيكولاس كابريرا. جامعة مدريد المستقلة مشهوره بابحاث الفيزياء النظرية و معروفه ببساطة ب (لا اوتونوما la Autónoma). موقع لا اوتونوما الرئيسى هو الحرم الجامعى, على بعد 10 ميلا (16 كم) شمال شرق مدريد العاصمة و بالقرب من المناطق البلدية لمدريد الكوبنداس و سان سيباستيان دى لوس رييس. موقع لا اوتونوما الرئيسى فيه كليات العلوم والفلسفة والفنون الجميلة والقانون والعلوم الاقتصادية ودراسات الأعمال, وعلم النفس, والمدرسة العليا لعلوم الكمبيوتر و الهندسة, وكلية لتدريب المعلمين والتعليم. كلية الطب مش فى الموقع الرئيسى و جنب مستشفى لاباز الجامعى..[24]

جامعة تانيه مهمة هى لا يونيڤيرسيداذ كومبلوتنسا دى مدريد أكبر جامعة فى اسبانيا و واحدة من أقدم الجامعات ف العالم. فيها مييه و سبعتاشر الف (117000) طالب بيدرسو و عشرتلاف (10000) من اعضاء هيئة التدريس و الموظفين و تقريبا كل اعضاء هيئة التدريس من الاسبان. حرم لا يونيڤيرسيداذ كومبلوتنسا دى مدريد الجامعى متقسم على اتنين مونكلاو فى مدريد, و فى سوموساجواس.[25]

لا يونيڤيرسيداذ كومبلوتنسا دى مدريد اتأسست فى الكالا دى ايناريس على ايد الكاردينال سيسنيروس فى 1499 لكن الأصل الحقيقى يرجع تاريخها لسنة 1293, لما الملك سانشو الرابع بنا مدارس الكالا العامه اللى بقت جامعة كومبلوتنسا على ايد سيسنيروس من سنة 1509 لسنة 1510 كان فيه خمس مدارس (كليات) : أخبار و إعلام (فنون و فلسفة), Teología (اللاهوت), Derecho Canónico (قانون مدنى), Letras (الآداب) والطب. وفى 1836, فى عهد ايزابيل التانية; اتنقلت الجامعة لمدريد تحت اسم الجامعة المركزية (سويداذ يونيڤيرسيتاريا) و كانت فى شارع سان برناردو. فى 1927 كان متخطط يتبنى حرم جامعى فى منطقة مونكلاو-الاڤاكا على اراضى خصصها الملك ألفونسو التلاتاشر للغرض ده لكن الحرب الأهلية الإسبانية حولت " سويداذ يونيڤيرسيتاريا" لمنطقة حرب, و اتسببت فى تدمير العديد من المدارس (الكليات) فى المنطقة.فى 1970 قامت الحكومة بإصلاح التعليم العالى, والجامعة المركزية (سويداذ يونيڤيرسيتاريا) بقت جامعة كومبلوتنس بمدريد (يونيڤيرسيداذ كومبلوتنسا دى مدريد) واتبنى حرم جامعى جديد فى سوموساجواس علشان الكليه الجديده كلية العلوم الاجتماعية.

من جامعات مدريد كمان جامعة الكالا دى ايناريس إتعاد بناها قلعة ايناريس سنة 1975 الجامعة التكنولوجيه فى مدريد, نتيجة دمج المدارس الفنية المختلفة من الهندسة, جامعة كارلوس التالت, اللى فلسفتها خلق شعب له فكر حر مسؤول مع الحساسية للمشاكل الاجتماعية والمشاركة فى مفهوم التقدم على أساس الحرية والعدالة والتسامح و جامعة بونتيفيكا كاميياس Pontificia Comillas, المشاركة فى عدد من برامج التبادل الأكاديمى والعمل والأساليب والخطط والمشاريع الدولية مع أكتر من 200 مؤسسات التعليم العالى فى أوروبا, وأمريكا اللاتينية وأمريكا الشمالية وآسيا.

من الجامعات التانية فى مدريد: جامعة ريى خوان كارلوس (العامة), و الجامعات الخاصة جامعة ألفونسو العاشر, و جامعة أنطونيو دى نابريخا, جامعة كاميلو خوسيه سيلا, جامعة فرانسيسكو دى فيتوريا, جامعة مدريد Europea, جامعة سالامانكا كامبوس دى مدريد, و جامعة سانت لويس (مالحرم الجامعى فى مدريد), و جامعة سان بابلو وحدة التقييم المركزية.

النقل
النقل الجوى
المقاله الرئيسيه: مطار مدريد-باراخاس

مطار باراخاسمطار مدريد هو مطار باراخاس الدولى. باراخاس هو المحور الرئيسى لطيران ايبيريا. وبالتالى باراخاس هو البوابة الرئيسية لشبه الجزيرة الايبيرية من أوروبا وأمريكا وبقية العالم. مجموع الركاب دلوقتى اكتر من 52 مليون مسافر سنويا,و ده بيخللى باراخاس واحد من أكبر 10 مطارات العالم فى الازدحام. [26]

و علشان الزيادة السنوية فى عدد المسافرين قريبة من 10%اتبنت محطة جديدة رابعه (صالة المطار رقم 4) و ده عمل انخفاض كبير فى حالات التأخير و زود القدرة الاستيعابية للمطار لأكتر من 70 مليون مسافر فى السنة و اتعمل مدرجين جداد للمطار و ده خللى باراخاس يبقاله اربع مدرجات مطار.

و سنة 2007 أعلن مستشار النقل لمجتمع مدريد, مانويل لاميلا ان مدريد هايخدمها مطارين جداد و من المتوقع يبتدو فى 2016, الأول هايكون موجود فى كامبو ريال, هايكون فى البداية لرحلات الشحن الجوى, و كمان مركز للطيران منخفض التكلفة, والتانى من المتوقع يتبنى البلدين من بلديات ال ألامو و ناڤالكارنيرو Navalcarnero, و ها ياخد الرحلات اللى بتستعمل مطار كواترو دلوقتى.

السكة الحديد الوطنية
محطات السكة الحديد الرئيسية فى مدريد هى اتوتشا فى الجنوب و تشامارتين Chamartín فى الشمال. و اهم مشروعات البنية التحتية الاسبانية خلال العشر سنين الجايه هو بنا شبكة سكة السرعة العالية الحديد.

مترو
المقاله الرئيسيه: مترو مدريد
مترو انفاق مدريد بيخدم حوالى أربعه مليون ساكن و مترو انفاق مدريد واحد من اكبر شبكات مترو الانفاق فى العالم واسرعهم فى التوسع, و هوا دلوأتى فيه من 283 كيلومتر (176 ميل) من الخطوط و ده بيخلليه تانى اكبر مترو انفاق فى اوروبا الغربيه بعد مترو انفاق لندن, و سادس أطول نظام مترو فى العالم.

المناطق التجارية
مدينة مدريد, تعتبر واحده من عواصم الأزياء الأوروبية, متاجر التجزئة موجوده فی كل أنحاء المدينة, لكن كتير منها له مركز فى المنطقه التجارية المشهوره جنب و حواللين بويرتا ديل سول.

الفنون والثقافة

من اعمال بالتاسار لوبو, (ست);معروض فى شارع فى مدريد, ديسمبر 2008الأحداث الثقافية
فى أواخر مايو و مطلع يونيو, من كل سنه, معرض الكتاب فی مدريد فی باركى دل ريتييرو, اللی ابتدا حياته خلال الجمهورية التانية سنة 1933. مدريد سنة 1992 كانت عاصمة ثقافية لأوروبا.

مدريد فى الأدب والموسيقى والأفلام
فيه اشارات قليلة المدريد فى أدب القرون الوسطى و فيه إشارات كتيره لمدريد فى أدب القرن الدهبى.

الرياضة

ملعب ريال مدريد ستاد سانتياجو برنابيو
ملعب اتيلتيكو مدريد ستاد ڤيثينتى كالديرونمدريد هى مقر نادى ريال مدريد و ملعبه سانتياجو برنابيو و منافس ريال مدريد من المدينة نفسها اتيلتيكو مدريد و ملعبه ڤيثينتى كالديرون. والفريقين بيلعبو فى لاليجا.مكانة مدريد الرياضية ظهرت من خلال حقيقة أنها استضافت سنة 1982 المباراة النهائية لكأس العالم اللى نظمها الفيفا (الاتحاد الدولى لكرة القدم).

مدريد واحدة من أربع مدن فى أوروبا مع برسلونه, و جلاسجو و لشبونة ادا الاتحاد الاوروبى لكرة القدم 5 نجوم لستادين (ملعبين) فيهم: ملعب ريال مدريد سانتياجو برنابيو و ملعب اتليتيكو مدريد ڤيثينتى كالديرون لان الاستادين طابقو المعايير.

نادى اللعبه الدورى الملعب
ريال مدريد كرة قدم لا ليجا سانتياجو برنابيو
اتيلتيكو مدريد كرة قدم لا ليجا ڤيثينتى كالديرون
رويا ڤاييكانو كرة قدم Segunda Teresa Rivero
ريال مدريد بولانثيستو كرة سلة ACB league Palacio Vistalegre
MMT Estudiantes كرة سلة ACB league Madrid Arena

بعض أفضل وأشهر لاعبين كرة القدم الاسبان المعروفين جايين من مدريد (مدريليين Madrileños), بما فيهم اسطورة ريال مدريد الاسبانى اميليو بوتراجوينيو و لاعب ليفربول بيبى رينا و فرناندو توريس وقدامى اللاعبين فى ريال مدريد راوول جونزاليس و ايكر كاسياس.

مدريد فيها كمان اتنين من فرق رابطة الاندية لكرة السلة, و حلبة لرياضة سباق العربيات اللى استضافت قبل كده سباق اسپانيا فى الفورميولا وان. و تاريخيا مدريد بتستضيف المرحلة الاخيرة من سباق العجل (الدراجات) ڤويلتا دى ايسبانيا كل سنة زى ما باريس بتستضيف المرحلة الاخيرة من سباق العجل تور دى فرانس كل سنة.

التزحلق على التلج ممكن فى الجبال القريبة من مدريد سييرا دى جواداراما اللى فيها منتجعات التزلج ناڤاثيررادا و ڤالديسكى Valdesqui, Navacerrada. المدينة حاولت تستضيف دورة الالعاب الاولمبية الصيفية لسنة 1972 و خسرت لميونيخ و لسنة 2012, و خسرت للندن على التوالى و مع ذلك, مدريد حاولت تستضيف دورة الالعاب الاولمبية الصيفية 2016 لكن خسرت لريو دى چانيرو.

المدن التوأم
لستة المدن التوأم مع مدريد [27]

أسنسيون, باراجواى [27]
بكين, الصين [27]
برلين, المانيا[27]
بروكسل, بلجيكا [27]
بوجوتا, كولومبيا [27]
كاراكاس, ڤينزويلا [27]
هاڤانا, كوبا.[27]
ليما, بيرو [27]
لشبونه, البرتغال [27]
ميكسيكو سيتى, المكسيك[27]
ماناجوا, نيكاراجوا [27]
مانيلا, الفلبين [27]
مونتيفيديو, اوروجواى [27]
موسكو, روسيا [27]
مدينةنيويورك, الولايات المتحدة الأمريكية[27]
نواكشوط, موريتانيا[27]
كويتو, اكوادور [27]
سانتو دومينجو, جمهورية الدومينيكان[27]
سراييفو, البوسنة و الهرسك [27]
تيجوسيجالبا, هندوراس [27]





ولان مع صور مدريد







































































ولا تنسو الردود